क्याम्पसका विद्यार्थीलाई रोजगारी सँग प्रत्यक्ष जोड्ने प्रयाशले गति लिँदैछ ।
रूपनगर नन्दराज संग्रौला क्याम्पसका आठ जना विद्यार्थी तालिम लिएर सर्वेक्षण गर्न गाउँ जान तयार हुँदैछन् ।
यो ‘जागीर’ ले हाम्रा विद्यार्थीलाई सामाजिक अनुसन्धान विधिमा व्यवहारमै पारङ्गत् गराउने छ । अनि, अलिकता ‘दाम’ पनि कमाउने छन् ।
अर्को फाइदा, सर्वेक्षण, तथ्याङ्क सङ्कलन, विश्लेषण, लेखन आदि गर्न सक्ने दक्ष जनशक्ति गाउँमै उपलब्ध हुने भो !
चार महिना यता यो तेश्रो ‘रोजगारी’ हो हाम्रा विद्यार्थीले पाएको !
पढ्दै, सिक्दै, कमाउँदै !
अर्का सात जना विद्यार्थीको समूहले ‘इको ब्रिक’ बारे काम गर्न दुई लाख रूपिञाको ‘प्रोजेक्ट’ हात पारे, हिजो भर्खर !
दोश्रो उपलब्धि !
३०-४० जना विद्यार्थीले पढ्दै कमाउँदै गर्ने अर्को ‘ठूलो’ प्रोजेक्ट ‘पाइप लाइन’ मा छ । आगामी ६-८ महिनामा थप ‘केही न केही’ ल्याउने प्रयत्न जारी छ ।
अहिलेको तालिम र ‘काम’ का लागि भोला पासवानजी र पुरक एशिया प्रति आभार ।
