‘वडाध्यक्ष छात्रवृत्ति’ का लागि आवेदन माग गरिएको सूचना

यस रूपनगर नन्दराज संग्रौला क्याम्पसमा दोश्रो, तेश्रो तथा चौथो वर्षमा अध्ययन गरिरहेका मध्ये केही विद्यार्थीका लागि कञ्चनरूप नगरपालिका वडा नं. १२ का तर्फबाट ‘वडाध्यक्ष छात्रवृत्ति’ उपलब्ध हुने भएकाले इच्छुक जेहनदार तथा विपन्न परिवारका विद्यार्थीहरूबाट आवेदन माग गरिएको सम्बन्धित सबैलाई सूचित गरिन्छ ।
आवेदकले यसै सूचनामा दिइएको लिङ्कमा उपलब्ध फारम भरी २०८० माघ २९ गते, सोमबार, बिहान १० बजे भित्र ‘अनलाइन’ पठाउनु पर्नेछ । सो लिङ्क क्याम्पसको वेबसाइट www.roopnagarcampus.edu.np र फेसबुक पेज https://www.facebook.com/Roopnagarcampus/ मा समेत उपलब्ध छ ।
छात्रवृत्तिका लागि विद्यार्थीको छनौट निम्न तालिका अनुसारको मूल्याङ्कन अङ्कभारका आधारमा गरिनेछ ।
मूल्याङ्कनका आधार
पूर्णाङ्क १००
क्र. सं. विवरण अङ्कभार
१. कक्षामा उपस्थिति नियमितता । ४०
२. क्याम्पसले लिने निबन्ध लेखन परीक्षाको मूल्याङ्कन । ४०
३. आवेदकले अघिल्लो परीक्षामा प्राप्त गरेको प्राप्ताङ्क प्रतिशत वा जिपिएको मूल्याङ्कन । १०
४. छात्रवृत्तिका लागि लिइने अन्तरवार्ता । १०
जम्मा १००
* ‘अनलाइन’ फारमको लिङ्क:
https://docs.google.com/…/1FAIpQLSdNqfPyqy2…/viewform…
* न्यूनतम् ६० अङ्क प्राप्त गर्ने विद्यार्थी मात्र छात्रवृत्तिका लागि छनौट हुन सक्ने ।
* निबन्ध लेखन परीक्षाको मिति र समय क्याम्पसले पछि तोक्नेछ ।
* ‘अनलाइन’ फारम बुझाउने अन्तिम समय: २०८० माघ २९ गते, सोमबार, बिहान १० बजे । अन्तिम समय पछि प्राप्त हुने आवेदन स्वीकार गरिने छैन ।
प्रा. दीपक कुमार गजुरेल
क्याम्पस प्रमुख
२०८०/१०/१०