यस रूपनगर नन्दराज संग्रौला क्याम्पसमा भर्ना भएर पहिलो वर्षमा अध्ययन गरिरहेका नियमित विद्यार्थीहरूका लागि क्याम्पसको आफ्नै स्रोतबाट छात्रवृत्ति प्रदान गर्ने भएकाले इच्छुक विद्यार्थीहरूबाट आवेदन माग गरिएको सम्बन्धित सबैलाई सूचित गरिन्छ ।
आवेदकले यसै सूचनामा दिइएको लिङ्कमा गएर उपलब्ध फारम भरी २०८१ साउन १५ गते, मङ्गलबार, बिहान १० बजे भित्र ‘अनलाइन’ पठाउनु पर्नेछ । सो लिङ्क क्याम्पसको वेबसाइट www.roopnagarcampus.edu.np र फेसबुक पेज https://www.facebook.com/Roopnagarcampus/ मा समेत उपलब्ध छ । अनलाइन फारम चौबीसै घण्टा खुला रहने छ ।
छात्रवृत्तिका लागि यस अघि अनलाइन फारम भरेका विद्यार्थीले पुन: फारम भर्नु पर्ने छैन । सोही फारम मान्य हुनेछ ।
छात्रवृत्तिका लागि विद्यार्थीको छनौट निम्न तालिका अनुसार मूल्याङ्कन अङ्कभारका आधारमा गरिनेछ ।
मूल्याङ्कनका आधार
पूर्णाङ्क १००
क्र. सं. विवरण अङ्कभार
१. कक्षामा उपस्थिति नियमितता ५०
२. छात्रवृत्तिका लागि लिइने लिखित परीक्षा ३०
३. छात्रवृत्तिका लागि लिइने अन्तरवार्ता २०
जम्मा१००
* न्यूनतम् ६० अङ्क प्राप्त गर्ने विद्यार्थी मात्र छात्रवृत्तिका लागि छनौट हुन सक्ने ।
* नियमित कक्षामा उपस्थित हुने विद्यार्थी मात्र यो छात्रवृत्तिका लागि छनौट हुन सक्ने ।
* ‘अनलाइन’ फारम बुझाउने अन्तिम मिति : २०८१ साउन १५ गते, मङ्गलबार, बिहान १० बजे भित्र ।
‘अनलाइन’ फारमको लिङ्क :
प्रा. दीपक कुमार गजुरेल
क्याम्पस प्रमुख